Të rishikohet harta e territorit – Veliaj: Nuk arrijmë të investojmë në Rinas, ta përfshijmë në Tiranë
Gjatë diskutimit të projektbuxhetit për pushtetin vendor për vitin 2020 Kryetari i Bashkisë së Tiranës Erion Veliaj njëherësh edhe kryetar i Shoqatës për Autonominë Vendore propozoi rishikimin e ndarjes së re territoriale ku aeroporti i Rinasit të jetë pjesë e Tiranës. I pranishëm në seancën e zhvilluar në Komisionin Parlamentar të Ligjeve, Veliaj tha se Bashkia e Kryeqytetit nuk mund të investojë në një territor që nuk është i Tiranës, si në rastin e Rinasit.
Veliaj foli edhe për nevojën e një ligji të veçantë për të rregulluar raportet e qytetarëve apo vizitorëve me Kryeqytetin, ashti siç edhe e kanë metropolet e mëdha, si Parisi, Londra për Romën apo edhe Prishtina.
Mes të tjerash ai theksoi se investimi tjetër do të jetë edhe për mbetjet urbane që synohet që të krijohet një impiant që të ktheje mbetjet në energji. Ai është ndalur edhe tek makinat elektrike duke thënë se flotat e taksive në Tiranë po kthehen elektrike. Ai ka propozuar se TVSH për transportin publik me autobusë elektrik të bëhet zero në mënyrë që të ndikojë pozitivisht në mjedis.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.