“Të vendoset kufi për akcizën e naftës”! – Dhamo: Qeveria të ndërhyjë, koha për të investuar në rafineri
Çmimi i karburanteve vijon të jetë në nivelin mesatar prej 230 lekësh, gjë që po i rëndon çdo ditë konsumatorëve dhe bizneseve në vend. Në një intervistë për TV SCAN, eksperti fiskal Sotiraq Dhamo, shprehet se qeveria duhet me dosomosdoshmëri që të vendosë kufizime në akcizën që vilet mbi naftën, duke sakrifikuar disa të ardhura në buxhet, me qëllimin që të mos dëmtojë qytetarët.
Nga ana tjetër, Dhamo thekson se qeveria duhet të investojë për të ndërtuar një rafineri nafte në vend, për të reduktuar varësinë ndaj importit dhe rrjedhimisht nga çmimet në tregjet ndërkombëtare.
Prej disa ditësh qytetarët janë përballur me një rritje të menjëhershmë dhe rekord të çmimit të karburanteve, trend ky i cili mesa duket do të vijojë. Taksat zënë një pjesë të mirë të çmimit final që aplikohet për konsumatorët.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.