“Të zgjatet afati i organeve të Vetting-ut” – Soreca: Reforma në drejtësi e pakthyeshme, u investuan 55 Mln Euro ka dosje të rëndësishme

Afatet kushtetuese të organeve të reja të drejtësisë duhet të zgjaten për t’u dhënë atyre mundësi të cojnë deri në fund procesin e Vetting-ut, ndërkohë që I presin dosje shumë të rëndësishme. Këtë mesazh dha Ambasadori I Bashkimit Europian në Tiranë Luigi Soreca, në konferencën me temë “Roli i Institucioneve Vetëqeverisëse të Drejtësisë”.duke theksuar se për reformën në drejtësi janë shpenzuar deri tani 55 milionë euro.

Ministri I Drejtësisë Ulsi Manja tha se reforma ka dhënë tashmë frytet e veta, duke çliruar shtetin e së drejtës nga korrupsioni. Ai foli më pas edhe për reduktimin e gjykatave, në një kohë që KLGJ kërkon grumbullimin e apeleve në një të vetëm.

Deri tani janë kaluar në sitën e Vetting-ut rreth gjysma e gjyqtarëve e prokurorëve, shkak për të cilin pritet të zgjatet mandati I Komisionit të Pavarur I Kualifikimit, I cili përfundon në vitin 2022.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.