‘Tekat’ e motit – SHMU: Kjo javë do të sjellë ndryshueshmëri në situatën meteorologjike!
Shërbimi Meteorologjik Ushtarak njofton se kjo javë do të sjellë ndryshueshmëri në situatën meteorologjike java do të nisi me kthjellime e vranësira deri të dendura të cilat do të pasohen nga reshje shiu e dëbore në zonat malore.
Sipas njoftimit deri ditën e mërkurë do të mbizotërojë moti i kthjellët ndërsa ditën e enjte në mesditë e pasdite parashikohet ndryshim në situatën meteorologjike ku do të nisin reshjet e shiut e dëborës në zonat malore.
Sipas informacionit dita e premte do të sjellë reshje e shtrëngata në të gjithë bregdetin e zonat e ulëta, ndërsa dëbora do të mbërrijë deri në lartësitë kodrinore të vendit dhe në veri e verilindje ajo do të jetë e dendur.
SHMU informon se era do të fryjë nga juglindja e veriu hera herës e vrullshme në bregdet e lugina. Valëzimi në dete i forcës 3-4 ballë dhe gjatë ditëve me temperatura të ulëta do të ketë ngrica të forta në akset rrugore.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.