“Telefonatë malli” – Joe Biden dhe Xi Jinping flasin për herë të parë pas 7 muajsh
Presidenti kinez, Xi Jinping, ka folur me homologun e tij amerikan, Joe Biden, për herë të parë në shtatë muaj.
Një deklaratë zyrtare e Shtëpisë së Bardhë tha se të dy udhëheqësit kishin “diskutuar përgjegjësinë e të dy kombeve për të siguruar që konkurrenca të mos kthehet në konflikt”.
Marrëdhëniet SHBA-Kinë kanë qenë të tensionuara, me përplasje për çështje si tregtia, spiunazhi dhe pandemia.
“Të dy udhëheqësit patën një diskutim të gjerë strategjik në të cilin ata diskutuan fushat ku interesat tona konvergojnë dhe fushat ku interesat, vlerat dhe perspektivat tona ndryshojnë” shkruhej më tej në Deklaratën e Shtëpisë së Bardhë.
“Nëse Kina dhe SHBA mund t’i trajtojnë siç duhet marrëdhëniet e tyre … është kritike për të ardhmen dhe fatin e botës”, tha Xi, sipas raportit të transmetuesi shtetëror kinez CCTV.
Burimi origjinal: CNN
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.