“Telepuna rriti faturën e dritave me 20-25%” – Qeveria synon të kursejë energji me punën nga shtëpia, Xhemalaj: Jep efekt të kundërt!
Teksa qeveria po planifikon të aplikojë punën nga shtëpia për 3 ditë të javës, si një formë për kursimin e energjisë, një studim i kryer nga Sindikata Kombëtare e Operatorëve Telefonikë tregon se puna nga shtëpia ka rritur me 20-25% faturën e energjisë elektrike për punonjësit e sektorit call center”.
Teksa qeveria po planifikon të aplikojë punën nga shtëpia për 3 ditë të javës, si një formë për kursimin e energjisë, një studim i kryer nga Sindikata Kombëatre e Operatorëve Telefonikë tregon se puna nga shtëpia ka rritur me 20-25% faturën e energjisë elektrike për punonjësit e sektorit call center”. Në këtë sektor vijon të aplikohen praktikat e ndjekura gjatë pandemisë, duke transferuar punën nga zyra në shtëpi, por kreu i sindikatës Ilir Xhemalaj thotë për TV SCAN se paga e këtyre punonjësve nuk mbulon këto shpenzime të shtuara.
Xhemalaj shton se telepuna ka rritur përfitimet ekonomike për punëndhënësit, ndërsa është pasuar me humbje për punonjësit.
Kreu i sindikatës komenton dhe planet e fundit të qeverisë, duke argumentuar se kjo praktikë, jo vetëm që pasohet me një efekt të kundërt, duke rritur konsumin e përgjithshëm të energjisë, por nga ana tjetër, energjia paguhet më lirë për shkak të çmimeve të vendosur bnga Enti Rregullator i Energjisë.
Këto të dhëna konfirmohen edhe nga INSTAT, pasi përdorimi i energjisë elektrike nga konsumatorët familjarë u rrit me 7,8 %, në vitin 2020, në raport me 2019, që nuk ishte një vit pandemik. Ndërkohë që, gjatë vitit 2021 rritja e konsumit të energjisë nga konsumatorët familjarë ishte 4.2% Paralelisht, çmimi me të cilin e paguajnë energjinë familjet është 9.5 lekë/këh, një vlerë që në krahasim me çmimet e energjisë për biznesin është më e ulët.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.