Temperaturat rekord do vazhdojnë! – Studimi tregon se gjatë dekadës çdo vit do të hyjë tek 10 më të nxehtit

I ngrohti i jashtëzakonshëm pritet të mbizotërojë në dekadën e ardhshme, sipas një studimi, që tregon se çdo vit ka gjasa të renditet tek 10 vitet më të nxehta të planetit. Temperaturat botërore kanë vazhduar të thyejnë rekorde, ndërkohë që 2016-a u regjistrua viti më i nxehtë në historik, ndjekur nga 2019-a, sipas të dhënave të Organizatës Meteorologjike Botërore.

Trendi ka gjasa të vazhdojë deri në 2028, me një shans prej 75% që çdo vit do të hyjë tek 10 më të  nxehtit në histori, sipas një studimi të dorëzuar tek Buletini i Shoqërisë Amerikane Meteorologjike. Shtatë prej 10 viteve të shkuara kanë qenë më të nxehtit në historik. Ndërkohë që mund të ketë disa vite më të ftohtë si pasojë e ndryshueshmërisë natyrore, ato nuk kanë gjasa të devijojnë trendin e përgjithshëm botëror të rritjes së temperaturave.

Studimi ka shtuar shqetësimet mbi ngrohje global, 1 javë pasi u raportua se Janari i këtij viti ishte më i nxehti në historinë e Europës. Organizata Meteorologjik Botërore deklaroi gjithashtu javën e kaluar se një bazë në Antarktidë kishte regjistruar temperaturën më të nxehtë në historik të kontinentit, në 18.3 gradë celsius.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.