Tendenca në lëndët e para bujqësore – Misri, në rritjen më të madhe që prej Korrikut prej tkurrjes së ofertës
Kontratat për misrin kanë treguar rritjen më të madhe javore që prej muajit Korrik, ndërkohë që projeksionet për tkurrje të ofertës kanë mbështetur çmimin.
Soja po mbyll javën e pestë të rritjeve, ndërsa gruri pritet në rritje javore, pas humbjeve të mëparshme. Kontrata më aktive(Cv1) në bursën e lëndëve të para në Chicago, pati rritje me 7.6% këtë javë. Soja(Sv1) ka shtuar 4%, ndërsa gruri(Wv1) është rritur me 5.3%.
Departamenti amerikan i bujqësisë uli projeksionet për prodhimin e misrit në vitin 2021 dhe shkurtoi pritshmërinë për konsumin gjatë sezonit.
Këshilli Botëror i Drithërave uli projeksionin për prodhimin botëror të drithërave me 9 milionë tonë në 2.21 miliardë ton në total për vitin 2021. Në raportin mujor, agjencia shkurtoi projeksionet për misrin me 13 milionë tonë. Ndërkohë, Rusia mund të vazhdojë taksimin e eksporteve të grurit në sezonin e ri, që nis më 1 Korrik. Rusia, një ndër eksportuesit më të mëdhenj të kësaj lënde të parë, po përpiqet të stabilizojë çmimet e brendshme ushqimore, pasi presidenti Vladimir Putin ka kritikuar ndikimin e inflacionit të tepërt.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.