Tenderat e tërmetit – Kruja me një shkollë të re/ Fondi, 103 milionë lekë

Bashkia Krujë ka shpallur një tender me fond 103.1 milionë lekë për rindërtimin e shkollës 9 vjeçare “Hajdar Zogu” në fshatin Tapizë.

“Pas tërmetit të datës 26.11.2019, nga inspektimet në terren, u konstatuan dëmtime të rënda në konstruksionin e ndërtesës. Aftësia mbajtëse e strukturës është ulur ndjeshëm duke rritur akoma më shumë rrezikun e shembjes së saj në raste të aktiviteteve sizmike në të ardhmen apo edhe nga faktorë të ndryshëm. Nga akt-ekspertiza e institutit të ndërtimit ndërtesa është propozuar për shembje dhe për këtë arsye është i nevojshëm ndërtimi i një godine te re” shpjegohet në detajet e tenderit.

Sipas detajeve të dokumentacionit, ishte e nevojshme që godina të shembej për t’u ndërtuar nga e para. Projekti do të ekzekutohet brenda 4 muajsh, që nga nënshkrimi i kontratës me subjektin fitues.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.