Tenderi për sistemin e ri të tatimeve – “Mollë sherri” mes Jorida Tabakut dhe ministrit të Ekonomisë

Vijon “loja” e replikave dhe kundër replikave në distancë mes Ministritë të Financave Arben Ahmetaj dhe deputetes së PD-së Jorida Tabaku. Pas akuzave të opozitës  për tenderin korruptiv 15 milionë euro, që i shkakton biznesit një dëm prej 80 -100 milionë euro, ka reagaur Ministri i Ekonomisë dhe Financave me një status në Facebook. Në reagimin e tij Ahmetaj shpjegonte së sistemi nuk do të ketë asnjë kosto shtesë.

Kasat aktuale nuk do të dalin jashtë përdorimi, por do të përditësohen me sistemin e ri duke ofruar opsione për sipërmarrjen, pa kosto.Ministri Ahmetaj ka sqaruar qytetarët se me procedurën e re të shpallur, synohet ndërtimi i një sistemi monitorimi transaksionesh i cili do të ndërveprojë me sistemin aktual si dhe krijimit për herë të parë të komunikimit në kohë reale si të transaksioneve ndërmjet biznesit dhe konsumatorit, ashtu edhe të biznesit me biznesin.

Më tej Ahmetaj është shprehur se me paketën e re fiskale 2019, që do të prezantohet në ditët në vijim, do të vazhdojnë lehtësimin e mëtejshëm të ngarkesës fiskale për qytetarët dhe biznesin. Por nënkryetarja e Komisionit të Ekonomisë Jorida Tabaku nuk e ka lënë me kaq dhe ka vijuar ta vlerësojë koncesionin e sistemit të tatimeve , aferë korruptive!

Ndër të tjera Tabaku shkruan se  skeptikët mjaftojnë të shohin faturën e energjisë, rrogën në xhep (nëse u ka mbetur), kostot e larta dhe mbi të gjitha taksat se ku shkojnë. Koncesioni Tatimeve është një tjetër thelë e buxhetit që korruptët e qeverisë duan ta gllabërojnë! Në ditët në vijim më shumë fakte për këtë koncesion dhe për të tjerat.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.