Tenderi për Tunelin e Krrabës – Procedura 195 mln lekë e ARRSH përfundon në KPP, ankohet kompania
Tenderi 195 mln për mirëmbajtjen e tunelit të Krrabës ka përfunduar në Komisionin e Prokurimit Publik, për shkak të ankesës së një prej operatorëve pjesëmarrës në garë.
Pas hapjes së garës në fillim të muajit mars, nga Autoritieti Rrugor Shiqptar, kompani Ed Konstruksion ka depozituar ankimimin pranë KPP-së, ndërkohë që tashmë do të duhet që ky i fundit të dalë me një vendim nëse do të lejojë vijimin e procedurës konkurruese apo jo. Sipas procedurës së njoftuar, kontrata që do të nënshkruhet do të kishte një afat kohor 2-vjeçar, ndërkohë që në dokumentet e tenderit nuk saktësohej sesi do të kryhet mirëmbajtja e 2 loteve të tjerë të autostradës.
Njëri prej tyre, që përfshin aksin nga rrethrrotulimi i TEG deri te hyrja e tunelit, që aktualisht funksionon vetëm në një drejtim. Ndërkohë që loti tjetër, që përfshin aksin nga dalja e tunelit deri në hyrje të qytetit të Elbasanit ka përfunduar prej kohësh dhe është i aksesueshëm nga automjetet. Që prej fillimit të kohës së shfrytëzimit, Tuneli i Krrabës ka funksionuar vetëm me një korsi lëvizjeje, duke detyruar kështu drejtuesit e mjeteve që të ulin shpejtësinë e lëvizjes.
Ai ka 2 tuba me gjatësi 2580.3 metra në anën e djathtë dhe 2320.6 metra në të majtën.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.