Tensionet SHBA-Iran/ Trump: Do vendosim sanksione të tjera të mëdha!
Presidenti Donald Trump, tha se Shtetet e Bashkuara do të vendosin sanksione të tjera të mëdha kundër Iranit në nisje të javës, pasi tërhoqi sulmet ushtarake kundër republikës islamike, prej shqetësimeve të humbjes së jetëve.
Megjithatë, presidenti nuk përjashtoi përdorimin e forcës ushtarake kundër Iranit në të ardhmen. “Kemi një fuqi tmerrrësisht të fortë në atë zonë”, tha Trump. Tensionet mes Shteteve të Bashkuara dhe Iranit kanë arritur kulmin në javët e fundit, ndërkohë që të dy vendet po i afrohen përballjes ushtarake.
Irani qëlloi një dron të ushtrisë amerikane, 1 javë pasi sulmoi dy anije çisternë në gjirin e Omanit, që është vendi kryesor për dërgesat e naftës. Çmimet e naftës patën rritje gjatë javës që kaloi, prej shqetësimeve se përplasja mes SHBA dhe Iranit, mund të ndërprejë fluksin e naftës. Çmimet e naftës bruto janë rritur me më shumë se 9%, ndërsa ‘benchmarku Bren’t, pati rritje me 5%.
Trump tërhoqi sulmin ushtarak kundër Iranit këtë javë, duke thënë se është i shqetësuar mbi humbjen e jetëve të iranianëve dhe shtoi se ky veprim nuk është proporcional me shpërthimin e një droni pa pilot.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.