Tentuan të fusnin në Shqipëri 1 milion euro të falsifikuara – Arrestohet shtetasja zvicerane

Policia e Shtetit njofton se në vijim të operacionit policor të koduar “Lastra”, për goditjen e aktivitetit kriminal në fushën e falsifikimit të kartëmonedhave dhe tentativës për t’i futur ato në vendin tonë, specialistët e Seksionit për Hetimin e Krimit Ekonomik dhe Financiar në DVP Tiranë bënë arrestimin në flagrancë të shtetases: – J. Ch., 39 vjeçe, lindur në Zvicër dhe banuese në Tiranë.

Sipas njoftimit më parë, në kuadër operacionit policor të koduar “Lastra”, janë arrestuar shtetasit J. N., 53 vjeç dhe Z. N., 45 vjeç ndërsa shtetasja J. Ch., në bashkëpunim me këta dy shtetas, dyshohet se ka tentuar të fusë në vendin tonë, rreth 1 milion euro të falsifikuara.

Policia bën me dije se gjatë kontrollit në banesën e kësaj shtetaseje, u gjetën dhe sekuestruan në cilësinë e provës materiale, lastra dhe produkte të tjera që shërbejnë për përgatitjen e kartëmonedhave të falsifikuara.

Materialet iu referuan Prokurorisë së rrethit Gjyqësor Tiranë, për veprime të mëtejshme, për veprën penale “Falsifikimi i monedhave”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.