Tërheqje bizneseve të huaja inovative – Xhafaj: Në formë investimesh dhe partneriteti

Qeveria shqiptare ka lokalizuar biznese të shumta inovative, kryesisht në vendet baltike, për ti sjellë ato në Shqipëri në formën e investimeve por edhe të bashkëpunimit me sipërmarrjet shqiptare. Në një intervistë për TV SCAN, zëvendësministri për Evropën dhe Punët e Jashtme, Etjen Xhafaj ka dhënë detaje mbi këtë iniciativë, duke e konsideruar sit ë domosdoshme  për zhvillimin e ekonomisë.

Në ditën e tretë të Festivalit të Inovacionit, Kreu i Dhomës së Tregtisë Tiranë, Nikolin Jaka ka dhënë lajmin e mirë për të rinjtë që kanë ide inovatore, të cilët vitin e ardhshëm do të mbështeten me një fond prej mbi 1 milion euro. Është menduar që të financohen 100 projekte me minimalisht 10 mijë euro.

Në tre ditë, në Festivalin e Inovacionit të organizuar nga Dhoma e Tregtisë dhe Industrisë Tiranë,  janë regjistruar mbi 400 pjesëmarrës dhe 50 kompani që kanë prezantuar idetë e tyre inovative.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.