Tërhiqet Bitcoin – Platforma më e madhe në Kinë do të ndalojë tregtinë
Bitcoin ra për të 5-tën ditë radhazi, që është rënia më e gjatë në 1 vit, ndërkohë që 1 prej pikave më të mëdha të këmbimit në Kinë, bëri të ditur se do të ndalojë tregtitë në fund të këtij muaji.
BTC China do të ndalojë menjëherë pranimin e regjistrimeve të reja të llogarive, pas lajmërimit më datë 4 Shtator nga rregullatorët që ndaluan krijimin e monedhave të reja.
Bitcoin ka rënë me rreth 27% që prej datës 7 Shtator, megjithatë, për viti ka patur rritje me rreth 600%, prej interesit të krijuar për teknologjinë blockchain.
Kina përbën për rreth 23% të tregtisë së Bitcoin dhe është vendi ku ndodhen “gërmuesit” më të mëdhenj në botë të Bitcoin.
Kina planifikon të ndalojë tregtinë në Bitcoin dhe valuta të tjera dixhitale në pikat e këmbimit brenda vendit. Lëvizja e Pekinit për ndalimin e tregtisë së valutave dixhitale vjen në një kohë që vendi përpiqet të frenojë rreziqet financiare.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.