Tërmet i shkallës 5.9 në kufirin Iran-Turqi! 8 persona humbin jetën në provincën turke
Një lëkundje tërmeti e magnitudës 5.9 ka goditur Iranin, në zonën kufitare me Turqinë, duke sjellë vdekjen e 8 personave në provincën turke Van. Sipas Istitutit gjeofizik të SHBA-ve (Usgs) epiqendra e tërmetit është lokalizuar pranë fshatit iranin Habash-e Olya,rreth 10 kilometra pranë kufirit. Ministri i Brendshëm turk Suleyman Soylu,ka deklaruar se ka dyshime se persona të tjerë ndodhen nën rrënoja.
Agjencia Anadolu citon ministri e Brendshëm që ka deklaruar se si pasojë e tërmetit që goditi qytetin Khoy në Iran, në rajonin Başkale të qytetit Van të Turqisë sipas të dhënave paraprake kanë humbur jetën 8 persona.
“Sipas vlerësimeve dhe informacioneve që kemi marrë aktualisht nuk vërehet ndonjë situatë negative në qytetin Hakkari, por jemi informuar se ka pasur humbje të jetëve dhe shembje në fshatrat Kaşkol, Güvenlik, Gelenler dhe Özpınar në rajonin Başkale të qytetit Van. Menjëherë pas kësaj kemi informuar presidentin lidhur me situatën në 4 fshatrat e tronditur si pasojë e tërmetit që ndodhi në qytetin Khoy të Iranit“, tha Soylu duke shtuar se:
“Bëhet fjalë për shembje, kryesisht të shtëpive. Janë vënë në gadishmëri komuna dhe prefektura Van ndërsa një pjesë e ekipeve tona të AFAD kanë mbërritur në fshatrat në fjalë. Më saktë kanë mbërritur fillimisht në fshatin Özpınar dhe janë duke mbërritur edhe në fshatrat e tjerë“, tha Soylu duke theksuar se qyteti Khoy në Iran është në kufi me qytetin Hakkari dhe rajonin Başkale të qytetit Van.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.