Tërmet në Athinë: Lëkundjet e forta nxjerrin njerëzit në rrugë!

Një tërmet i fortë është ndier në kryeqytetin grek, duke shkaktuar panik tek banorët. Lëkundja ka qenë në masën 5.1 në shkallën Richter, sipas Institutit të Gjeodinamikës të Athinës, por Anketa Gjeologjike e SHBA ka raportuar një magnitudë paraprake prej 5.3 ballë.

Tërmeti ishte “i fortë, por fatmirësisht jo shumë i gjatë”, sipas një dëshmitari të cituar nga Monitoruesi i Tërmeteve Europiane.

Tërmeti shkaktoi ndërprerje të kufizuar të energjisë nëpër qytete dhe zjarrfikësit raportuan se po merrnin thirrje të vazhdueshme, për disa njerëz që ishin bllokuar në ashensorë. Venia Rainey, një gazetar në Athinë, tha se fillimisht mendonte se dridhja ishte ndërtim.

“Vura re se banesa ku ndodhesha po lëkundej pak, por mendova se lëkundja vinte nga punimet që po bëheshin jashtë. Pastaj pas 10 sekondash e gjithë ndërtesa filloi të lëkundej akoma dhe më shumë, dhe dola direkt në ballkon për të parë çfarë po ndodhte. Jashtë kishte shumë njerëz në rrugë me telefonat e tyre nëpër duar dhe një zhurmë të tmerrshme nga alarmet e makinave që binin papushim’’- është shprehur ajo.

Në vitin 1999, një tërmet me magnitudë 6.0 goditi kryeqytetin grek, duke vrarë të paktën 143 vetë dhe duke shkatërruar mbi 100 ndërtesa.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.