Tërmeti / Ashensorët futen në “sitë” – Denaj: Kontroll i sigurisë teknike bëhet kusht
Ministrja e Financave dhe Ekonomisë, Anila Denaj së bashku me kryeinspektorin e Inspektoratit Shtetëror të Mbikëqyrjes së Tregut, Lavdrim Sahitaj, monitoruan nga afër situatën në terren sa i përket sigurisë së ashensorëve.
Takimet e zhvilluara kishin si qëllim ndërgjegjësimin e administratorëve të pallateve, banorëve dhe kompanive të ashensorëve, lidhur me sigurimin teknik të ashensorëve, të dëmtuar si pasojë e tërmetit, në ambiente publike dhe private, ka bërë me dije Denaj.
Ajo informoi se Ministria e Financave po punon mbi disa ndryshime ligjore lidhur me rritjen e elementëve të cilësisë së certifikimit sa i përket sigurisë së ashensorëve, sipas standardeve të bashkimit Europian, të cilat shumë shpejt do të dërgohen për miratim në Këshillin e Ministrave.
✅Në monitorim e ndërgjegjësim të administratorëve të pallateve, banorëve dhe kompanive të ashensorëve në lidhje me sigurimin teknik të tyre apo nevojave për ndërhyrje nëse kanë patur dëmtime nga tërmeti i pak ditëve më parë. 🆕️Ministrja e Financave dhe Ekonomisë lajmëron se së shpejti do të hartohet një paketë ligjore që certifikon standardet cilësore të sigurisë europiane🇦🇱🇪🇺
Posted by Edi Rama on Tuesday, September 24, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.