Tërmeti nxjerr jashtë funksionit godinën e Doganave – DPD: Janë marrë masat që shërbimet të vazhdojnë normalisht
Drejtoria e Përgjithshme e Doganave Tërmeti ka bërë me dije se tërmeti që goditi Shqipërinë në 26 nëntor ka shkaktuar dëmtime e shumta strukturore edhe në godinën e këtij institucioni. Sipas akt konstatimit të inspektorëve të Institutit të Ndërtimit, kjo godinë është jashtë funksionit, vazhdon njoftimi.
Nga drejtuesit e këtij institucioni aktualisht janë marrë të gjitha masat për evakuimin e punonjësve në godina të tjera, çka garanton mirëfunksionimin e punës dhe ofrimin e shërbimeve ndaj qytetarëve dhe biznesit, shkruhet në publikim.
Sipas DPD është miratuar “Manuali mbi mënyrën e funksionimit të sistemit doganor lidhur me deklarimin, verifikimin, kontrollin dhe çlirimin e mallrave në raste emergjence” si dhe është kryer transferimi i serverëve pranë zyrave të AKSHI-t e zhvendosja e sektorëve kyç (VQ dhe SKAO) pranë zyrave të disponueshme në gjendje pune.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.