Tërmeti, opsionet e strehimit- Bonus qiraje, hotel apo çadër! Pas Tiranës, qira 1 vjeçare edhe në Lezhë
Pas Tiranës, edhe Këshilli Bashkiak i Lezhës ka miratuar pagesën e plotë të qirasë për të gjitha familjet e prekura nga tërmeti tragjik i 26 nëntorit.
Sipas vendimit, do të përfitojnë qira 1-vjeçare, sipas vlerës së tregut të lirë, të gjitha familjet, banesat e të cilave janë dëmtuar si rezultat i tërmetit dhe akt konstatimet e hartuara nga grupet e inxhinierëve të inspektimit është arritur në konkluzionet për evakuimin e tyre nga këto banesa.
Vlera e pagesës së ndahet sipas stukutrës së apartamentit, ku për ato 1+1 do të kompensohet 10 mijë lekë, për strukturën 2+1, 14 mijë lekë dhe për apartamentet 3+1, 18 mijë lekë.
Familjet që aplikojnë për përfitimin e pagesës së qirasë sipas këtij vendimi duhet të depozitojnë pranë Zyrës së një ndalesë në Bashkinë e Lezhës, dokumentacionin Formularin e aplikimit, aktin e konstatimit të gjendjes fizike të objektit, certifikatën familjare dhe llogarinë bankare ku do të depozitohet pagesa.
Për strehimin e familjeve të prekura nga tërmeti po përdoren disa forma, ku bonusi i qirasë është një prej tyre. Paralelisht, një pjesë e familjeve mund të zgjedhin të strehohen në hotele, ku qeveria mbulon 2 mijë lekë për shërbim ‘all inclusive’, ndërkohë që një pjesë e tyre, që kryesisht banojnë në zonat rurale si opsion janë edhe çadrat.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.