Tërmeti, para’ në dorë për 6100 familje – Veliaj: Nis ndërtimi i shtëpive individuale për qytetarët e Tiranës

Rreth 6100 familje në kryeqytet do të marrin para në dorë për dëmet e shkaktuara nga tërmeti i 26 Nëntorit. Kryetari i Bashkisë së Tiranës, Erion Veliaj ka njoftuar se ka filluar firmosja e kontratave dhe disburisimi për 3 mijë grantet e para, ndërsa gjatë javës pritet të miratohen dhe 3100 dosjet e tjera. Nga ana tjetër, Veliaj ka bërë me dije se këtë javë fillon dhe ndërtimi i 50 banesave të reja individuale në zonën e Farkës, ndërsa po kryhet ekspertizë e thelluar në 92 pallate, ku 52 prej tyre në zonën e Kombinatit dhe Kinostudios do të prishen.

“300 dosje janë skualifkuar sepse kanë shtëpi tjetër. Burokraci minimale në shpërndarjen e pagesave. Për shtëpitë individuale kemi nenshkuar kontratat per 200 banesa te reja, 50 fillojne kete jave ne farke,. Po kryhet ekspertize e thelluar per 92 pallate, 52 jane per prishje në kombinat dhe kinostudio, 10 pallate për rikonstruksion dhe 8 në proces testimi për pallatet do fillojmë nga ky muaj fillimisht në infrastrukturën bazë pastaj banesat. 243 pallate do bëjmë ndërhyrje në dëmtimet e brendshme,” është shprehur Erion Veliaj, Kryetar i Bashkisë Tiranë.

Ndërsa kryeministri Edi Rama theksoi se fondi total i akorduar për qytetarët për meremetimin e dëmeve të shkaktuara nga tërmeti arrin në 80 milionë dollarë.

“80 milione dollare  qe i kushtohen granteve per memeremetim sipas shkallës së dëmeve, Bashkia e Tiranës ka 5.6 milionë dollarë në proces dhe nga ana tjetër jemi në procesin e fillimit konkret ne terren te punes per ndertimin e shtepive.kjo e sotmja eshte vetem nje pjese, në total do miratohen 5100 dosje të tjera”.

Nga ana tjetër, Ministri për Rindërtimin bëri me dije se paralelisht po avancohet me programin e ndërtimit të 140 shkollave në zonat e prekura, përmes fondeve të akodruara nga donacionet.

“Me programin e granteve te rikonstruksionit per mermetimin e shtepive e gjithe zona e termetit po sherbehet nga ky program. 80 milione dollare, por shuma do te shkoje 87 milionë dollare me 5100 dosje të bashkisë tiranë dhe 2 mijë të durrësit. Po ecet me shkollat 65 milione euro do financojnë nj nr të lartë shkollash brenda 140 të përzgjehdura. Jemi aktiv me komisionin europian arsim dhe infrastruktura arsimore” është shprehur Arben Ahmetaj, Ministër për Rindërtimin.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.