Tërmeti, Zvicra jep 1.3 mln eurot e para, Ahmetaj: Granti do të ndahet për bashkitë Shijak dhe Kurbin

Finalizohet dhënia e pjesës së parë të grantit nga shteti zviceran në masën 1.3 milion euro  nga  9 mln euro në total, për rindërtimin pas tërmetit të 26 nëntorit, kryesisht në dy bashki në Shijak dhe Kurbinin. Pas nënshkrimit të marrëveshjes ndërmjet ministrit për rindërtimin Arben Ahmetaj dhe  ambasadorit zviceran Adrian Maitre, Ahmetaj u shpreh se nga ky grant mbi 470 milion lek të shkojnë për bashkinë Kurbin dhe 640 mln lek  për atë të Shijakut.

Nga ana tjetër Ambasadori Zviceran Adrian Maitre u shpreh për një  monitorim për manaxhimin e këtyre fondeve, kjo për të korrigjuar por edhe për të mësuar nga ky proces.

3164 familje janë përfituese të granteve në këto dy bashki. Kjo ndihmë vjen  pas asaj të  Bashkimit Europian, Turqisë dhe 7 vendeve të angazhuara për mbështetjen e Shqipërisë pas tërmetit të 26 nëntorit.

Nertila Doko / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.