Tesla pret rritje me mbi 50% mes problemeve të theksuara në zinxhirin e furnizimit!

Shitjet e Tesla-s do të rriten me më shumë se 50% në 2022 krahasuar me vitin e kaluar, pavarësisht problemeve të zinxhirit të furnizimit, tha shefi ekzekutiv Elon Musk.

Prodhuesi i makinave elektrike raportoi një fitim rekord prej 5.5 miliardë dollarësh vitin e kaluar. Shitjet në firmë u rritën me 71% në 53.8 miliardë dollarë në 2021, pasi u dorëzoi klientëve më shumë se 936,000 automjete.

Por firma paralajmëroi se rritja do të ngadalësohej, pasi problemet e zinxhirit të furnizimit që prekin prodhuesit e makinave vazhdojnë të kufizojnë kapacitetin e saj prodhues. Musk tha se viti 2021 ishte “një vit përparimtar për Tesla-n dhe për automjetet elektrike në përgjithësi”.

Kompania tha se zinxhiri i saj i furnizimit ishte “faktori kryesor kufizues” i rritjes, “i cili ka të ngjarë të vazhdojë deri në vitin 2022”. Ai tha se priste rritje “të rehatshme mbi 50%” në 2022.

Prodhuesit e makinave anembanë botës po përballen me mungesën e mikroçipëve, në mesin e zvarritjeve të tjera të zinxhirit të prodhimit dhe furnizimit, megjithëse Tesla ka vijuar të ecë më mirë se shumica.

Kompania përdor çipa që janë më të gjindshme dhe ri-shkruajnë shpejt softuerin, ndërsa konkurrentët ngadalësojnë prodhimin. BBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.