Teste PCR të pasakta negative në Britani – Mbyllet laboratori pas 43,000 të infektuar që u testuan negativ

Një laborator testues i Covid-19 në Angli është pezulluar mbi shqetësimet se ka dhënë teste negative të pasakta PCR tek njerëz të infektuar, sipas Agjencisë së Sigurisë Shëndetësore në Britani.  Programi Testo dhe Gjurmo i agjencisë, nisi një hetim tek laboratori, pas raportimeve të njerëzve që merrnin test negativ PCR, pas testeve pozitive të shpejta LFD.

Udhqzimet e qeverisë thonë se testet PCR janë më të sakta se ato të shpejta LFD dhe njerëzit mund të ndalojnë të vetë-izolohen nëse testohen pozitiv me LFD, ndjekur nga një rezultat negativ PCR. Agjencia e sigurisë Shndetësire theksoi se rreth 43,000 njerëz mund të kenë marrë test të pasakt negativ PCRD, kryesisht në Anglinë JugPerëndimore, duke nënvlerësuar numrin e njerëzve me Covid gjatë Shtatorit.

Klinika Shëndetësore Immensa, kompania private që drejtonte laboratorin, u themelua në maj 2020 dhe ka marrë kontrata me vlerës 234 milionë dollarë për të procesuar rezultate të testeve PCR.  Kryeministri Boris Johnson është përballur me kritika, me shumë njerëz që thonë se programi Testo dhe Gjurmo i Shërbimit Kombëtar të Shëndetit, ka dështuar të arrijë premtimet e tij që do jetë më i miri në botë.

“Nëse do zbulohej se rezultatet e 40,000 testeve të HIV apo me kancer kanë qenë të pasakta, do kishte kryengritje”- tha deputetja e opozitës Rosena Allin-Khan.  Sipas saj, dhjetra milairdë paund janë hedhur tek shumnë kompani private që kanë vendosur fitimin përpara pandemisë.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.