Teste të shpejta për Covid, përgjigja në 30 minuta – Do të shpërndahen për vendet e varfra dhe të mesme
Testet për Covid-19 që tregojnë rezultate për 15 deri në 30 minuta do të shpërndahen në të gjithë botën, duke shpëtuar potencialisht shumë mijëra jetë dhe duke ngadalësuar pandeminë në vendet e varfra dhe të pasura.
Në një triumf për iniciativën globale për të zhvilluar ilaçe dhe vaksina vitale për të luftuar virusin, 120 milion analiza të shpejta antigjeni nga dy kompani do të furnizohen në vendet me të ardhura të ulëta dhe të mesme për 5 dollarë secila ose edhe më pak.
Testet, të cilat duken si një test shtatzënie, me dy vija blu për pozitive, lexohen nga një punonjës shëndetësor. Një test ka marrë miratimin e urgjencës nga Organizata Botërore e Shëndetësisë (OBSH) dhe tjetra pritet ta marrë atë së shpejti.
Testet e shpejta dhe të lehta por me cilësi të lartë do të lejojnë kontrollimin masiv të punonjësve shëndetësorë, të cilët po vdesin në numër joproporcional në vendet me të ardhura të ulëta.
Vendet e pasura që kanë nënshkruar iniciativën e Aksesit në mjetet Covid (përshpejtuesi ACT), siç ka MB, gjithashtu do të jenë në gjendje të porosisin testet. Nisma u nis në mars nga OBSH, Komisioni Evropian, Fondacioni Gates dhe qeveria Franceze.
Në këmbim të financimi nga Fondacioni Gates, kompanitë janë duke e vendosur 20% të prodhimit të tyre në dispozicion për vendet me të ardhura të ulëta dhe të mesme dhe 80% për pjesën tjetër. Gjermania tashmë ka porositur 20 milion teste dhe Franca dhe Zvicra po ndjekin shembullin e saj.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.