Tha se mund të kishte koronavirus në avion – Aspiruesi i mediave sociale detyron uljen emergjente më pas arrestohet nga policia

Një i ri u përpoq të bënte një video virale duke bërë shaka se mund të kishte koronavirus në një aeroplan. Pas 2 orësh udhëtim avioni u detyrua të bënte ulje emergjente ku i riu James Potok u ekzaminua për simptoma para se të arrestohej dhe të akuzohej.

“Unë sapo u ktheva nga provinca Wuhan, kryeqyteti i koronavirus dhe nuk po ndihem shumë mirë. Faleminderit,” ka thënë Potok gjatë udhëtimit.

Personeli i avionit më pas i kanë dhënë atij doreza dhe maskë ndërsa Korporata Kanadeze e Transmetimit u shpreh se në bord  ishin 243 persona.

Policia Rajonale Peel e Ontario tha në një deklaratë se njoftimi i Potok “u nda me ekuipazhin e fluturimit dhe u mor një vendim për kthimin e fluturimit për në Aeroportin Pearson,” njoftoi CBC.

Potok është planifikuar të paraqitet në gjykatë në Brampton më 9 mars, duke u përballur me akuzat e keq bërjes dhe shkeljes së rregullores.

Potok bën video muzikore dhe ka më shumë se 34,000 ndjekës në llogarinë e tij në Instagram gjithashtu ka një kanal në YouTube i quajtur Potok Philippe, i cili ndan videot e tij muzikore dhe ka një kanal Spotify, i cili ka rreth 11,000 dëgjues mujorë.

“Po kërkoja të krijoja një video që të bëhej virale,” tha ai “por në fund i shkatërrova njerëzve udhëtimin kështu që unë kërkoj jashtëzakonisht falje.”

Potok tha që ai kishte bërë video të tjera në aeroplan pa asnjë problem.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.