The Guardian: Koronavirusi ‘mund të infektojë 60% të popullsisë globale nëse nuk kontrollohet’!
Epidemia e Koronavirusit mund të përhapet në rreth dy të tretat e popullsisë në botë nëse nuk mund të kontrollohet, sipas epidemiologut kryesor të shëndetit në Hong Kong. Paralajmërimi i tij erdhi pasi kreu i Organizatës Botërore të Shëndetit (OBSH) tha se rastet e fundit të pacientëve me Koronavirus që nuk kishin vizituar Kinën kurrë mund të ishin “maja e ajsbergut”.
Profesor Gabriel Leung, kryetari i mjekësisë së shëndetit publik në Universitetin Hong Kong, tha që çështja kryesore ishte të kuptonte madhësinë dhe formën e ajsbergut. Shumica e ekspertëve menduan se secili person i infektuar do të vazhdojë ta transmetojë virusin në rreth 2.5 persona të tjerë. Kjo dha një “normë sulmi” prej 60-80%.
“60% e popullsisë së botës është një numër jashtëzakonisht i madh,” tha Leung për Guardian në Londër, para takimit të ekspertëve në OBSH në Gjenevë. Edhe nëse shkalla e përgjithshme e vdekshmërisë është e ulët me 1%, i cili sipas Leung është i mundur pasi të merren parasysh edhe rastet më të lehta, numri i vdekjeve do të ishte masiv.
Ai do t’i tregojë takimit të ekspertëve të OBSH-së se çështja kryesore është shkalla e rritjes së epidemisë në mbarë botën dhe përparësia e dytë është të zbuloni nëse masat drastike të marra nga Kina për të parandaluar përhapjen kanë funksionuar, sepse nëse është kështu, edhe vendet e tjera duhet të mendojnë t’i adoptojnë ato.
Numri i vdekjeve nga virusi në Kinë kaloi mbi 1.000 të Martën, me një rritje rekord të përditshme të vdekjeve, megjithëse numri i rasteve të reja të konfirmuara ka rënë.
Artikulli i plotë këtu!
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.