The Guardian: Kur do rikthehemi në normalitet dhe a duhet bërë vaksinimi çdo vit?
A do të ngadalësojë vaksina shkallën e transmetimit të Covid-19?
Kjo është një nga pyetjet kryesore që shkencëtarët do të kërkojnë t’i përgjigjen gjatë javëve të ardhshme. Vaksinat që administrohen tani janë krijuar për të mbrojtur njerëzit nga efektet anësore të rënda të sëmundjes. Ato nuk janë zhvilluar për të bllokuar transmetimin e virusit. Kështu që një person mund të mbrohet nga sëmundje serioze, por ende mund të mbarti virusin dhe ta përhapë atë te të tjerët. Sidoqoftë, shumica e shkencëtarëve besojnë se vaksinat duhet të zvogëlojnë ngarkesën virale, ndaj duhet të ketë një zvogëlim të transmetimit.
Çfarë do të ndodhë gjatë gjysmës së dytë të vitit 2021?
Qeveria ka urdhëruar doza të mjaftueshme të vaksinës Covid për të gjithë popullsinë e MB. Sidoqoftë, vaksinat nuk sigurojnë mbrojtje 100% dhe jo të gjithë do të lejojnë veten të vaksinohen. Mungesa e imunitetit do të rezultojë në shpërthime të Covid-19 gjatë vitit dhe këto mund të intensifikohen dimrin e ardhshëm. Në të njëjtën kohë, variante të reja të virusit mund të shfaqen dhe mund të kërkojnë prodhimin e vaksinave të rikonfiguruara për t’i trajtuar ato. As nuk dihet se sa kohë do të mbrojnë vaksinat aktuale nga simptomat e rënda Covid-19. Si rezultat, shumica e shkencëtarëve besojnë se vaksinat kundër varianteve të sëmundjes do të jenë të nevojshme për vitet e ardhshme. Kjo do të thotë që vaksinimi duhet bërë periodikisht.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.