Thellohet bilanci tragjik i tërmetit – Mbi 30 viktima e mbi 650 të lënduar, gjendje gatishmërie dhe në qendrat shëndetësore

Mbi 30 viktima dhe mbi 650 të lënduar është bilanci tragjik i tërmetit me magnitudë 6.3 të shkallës rihter, që goditi vendin mëngjesin e 26 nëntorit. Sipas të dhënave të Ministrisë së Shëndetësisë dhe Mbrojtjes Sociale pjesa më e madhe e të lënduarve kanë lënë spitalet, ndërkohë që 8 persona janë në gjendje të rënduar shëndetësore.

Ministrja Manastirliu deklaroi se dy prej të lënduarve nga tërmeti po vlerësohen të dërgohen për trajtim më të specializuar në Itali.

Ndërkaq, ministrja e Shëndetësisë konfirmoi gjendjen e gatishmërisë jo vetëm në spitale por edhe në qendrat shëndetësore pranë zonave të prekura nga tërmeti dhe në qendrat e emergjencës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.