Thjeshtohen blerjet me kartë krediti – Kompanitë poseduese nuk kërkojnë më nënshkrimin e faturës
Ndoshta nuk do të keni më nevojë të firmosni faturën kur bëni një blerje me kartën tuaj të kreditit, pasi që nga data 1 prill, katër kompanitë më të mëdha të kartave të kreditit në SHBA, si Visa, American Express, Mastercard dhe Discovery nuk kërkojnë më një nënshkrim nga tregtarët kur klientët paguajnë me kartë krediti.
Por ende ekzistojnë disa kufizime dhe mund të ndodhë që disa tregtarë ende të kërkojnë nënshkrimin tuaj.
Edhe pse Mastercard, Discovery dhe Visa nuk kërkojnë më nënshkrim për përdorimin e kartave të kreditit në tregtarët në SHBA, American Express e ka bërë këtë për tregtarët në të gjithë botën.
Gjithçka sa vjen e po lehtësohet dhe kjo gjë do të vihet re me kalimin e kohës, por pavarësisht kësaj nëse një tregtar I caktuar ju kërkon që ju të firmosni kjo nuk ka të bëjë më vetëm me kompanitë e kartave të kreditit por edhe me politikat e tregtarit.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.