Tirana, “kantier” pune – Veliaj: Së shpejti, zonë e lirë ekonomike në Kashar

Të gjitha projektet e nisura në kryeqytet do të finalizohen pavarësisht pengesave, ndërsa të tjera do të nisin së shpejti. Në mbledhjen e Këshillit Ekonomik të Tiranës, kryebashkiaku Erion Veliaj bëri një pasqyrë të projekteve të reja dhe atyre në vijim, ndërsa theksoi se Tirana është kthyer në një kantier ndërtimi dhe punësimi.

Veliaj bëri me dije se së shpejti kryeqyteti do të ketë një zonë të lirë ekonomike në Kashar si dhe me financimin e BERZH do të nisë puna për zgjerimin e lumit të Lanës në zonën e Astirit.

Kryebashkiaku preku edhe përfitimet nga karta e studentit, ku mbi 100 biznese janë ofruar të bashkëpunojnë me Bashkinë, ndërsa u bëri apel edhe subjekteve të tjera që të bëhen pjesë e këtij projekti.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.