Tirana mbyll shkollat e kopshtet me 25 maj – Ministria e Arsimit: Vendimi në kuadër të ndeshjes së futbollit
Kopshtet, shkollat, universitetet e zyrat arsimore në Tiranë, do të jenë pushim me datën 25 maj. Vendimi është njoftuar nga ministria e Arsimit, në kuadër të vendimit të qeverisë për shpalljen e datës 25 Maj ditë pushimi për Qarkun e Tiranës, në kuadër të masave të marra për finalen e Conference League.
Tirana do të jetë tërësisht e mbyllur me 25 maj. Në këtë ditë, zyrat e shtetit do të jenë bosh pasi do të jetë ditë pushimi zyrtare. Po ashtu, nuk do të lejohet qarkullimi i makinave në të gjithë qytetin, me përjashtim të rastit të emergjencave.
Ky është plani i masave që qeveria shqiptare ka marrë për mbarëvajtjen e finales së “Conference League” që do të luhet në “Air Albania” midis Romës dhe Feyenoord.
Nga ana tjetër, nuk do të lejohen as hyrjet në kryeqytet, për faktin se do të jenë të bllokuara. Ata që duan të vijnë në Tiranë, do të duhet të planifikojnë një orar tjetër.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.