Titujt e pronësisë – Prefekturat përfundojnë në gjykatë për tokat
Ka një tendencë në rritje të çështjeve që dorëzohen në Gjykatën Administrative të Apelit dhe që kanë për palë prefekturat e qarqeve të ndryshme në vend, Komisionet e Vlerësimit të Titujve të pronësisë dhe individëve që pretendojnë shkelje të së drejtës.
Në këtë gjykatë rezultojnë të paktën 28 çështje të dorëzuara për prefektura të ndryshme dhe që në shumicën e rasteve kanë në thelb të tyre vendimet e Komisioneve të Vlerësimit të Titujve të Pronësisë.
Në disa raste nga ana e qytetarëve kërkohet korrigjim i sipërfaqeve që u takon, në raste të tjera kërkohet lëshimi i certifikatave të pronësisë pasi nga zyrat e regjistrimit është urdhëruar kufizim mbi pronësinë, por nuk mungojnë as konfliktet për klasifikimet truall shtet apo tokë bujqësore.
Ajo që bie në sy është numri i lartë i paditësve sipas familjeve që kanë kryer padinë. Por cilat janë në fakt prefekturat që kanë përfunduar me çështje në Gjykatën e Apelit muajve të fundit.
Prefektura Vlorë – 10
Prefektura Elbasan – 3
Prefektura Shkodër – 3
Prefektura Lezhë – 3
Prefektura Fier – 3
Prefektura Berat – 2
Prefektura Tiranë – 2
Prefektura Korçë – 1
Prefektura Gjirokastër – 1
Të dhënat tregojnë se rekordin e pretendimeve e mban Vlora.
Nertila Maho/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.