Tjetër aplikim për HEC në qarkun e Korçës – Detajet e investimit

Pas aplikimit për ndërtimin e një HEC-i  në qarkun Korçës disa ditë më parë, Ministria e Infrastrukturës dhe Energjisë ka marrë një tjetër kërkesë po në këtë qark për shfrytëzimin e pasurive hidrike.

Shoqëria ‘Autovizion Al’ sh.p.k ka shprehur interesin për miratimin e ndërtimit të një vepre hidroenergjitike me kapacitet prodhues deri në 2 MW.

Hidrocentralet “Zgallo 1 dhe Zgallo 2”, me kapacitet prodhues të ulët janë parashikuar të ndërtohen në rrjedhën e sipërme të lumit Shkumbin, përkatësisht në përroin e Gurit dhe degëve të tij dhe përroin e Zgallos.

“Autovizion Al” sh.p.k ka si objekt të aktivitetit të saj inspektimin teknik të automjeteve të të gjitha tipeve dhe lëshimin e certifikatave. Ndërkohë, vlera e investimit për këto vepra hidroenergjitike nuk bëhet ende e ditur.

G.D/SCAN

Investitorët rikthejnë vëmendjen tek pasuritë hidrike – 3 aplikime të reja për HEC-e pranë MIE

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.