Tjetër hap gjigand në luftën kundër Covid! Britania bën injeksionin e parë të vaksinës Oxford/Astrazeneca
Britania ndërmori këtë të hënë një hap tjetër gjigand në luftën kundër Covid, duke përshpejtuar programin e saj të vaksinimit për imunizimin. Në këtë mënyrë, Britania jep sërish shembullin e parë duke u bërë vendi i parë që ka nisur procesin e vaksinimit me Pfizer; vendi që i jep botës një vaksinë të dytë dhe vendi i parë në botë që e praktikon këtë vaksinë.
Vaksina është krijuar universiteti i Oksfordit dhe kompania Astrazeneca. Një pacient me dializë ishte i pari që mori vaksinën në spitalin e Oksfordit. Ky hap parashikohet që të përshpejtojë procesin e vaksinimit në botë për faktin se shtohet prodhimi i vaksinave. Po ashtu, kjo vaksinë konsiderohet si një ndër vaksinat më lehtësisht të administrueshme dhe më të lira sesa ajo e Pfizer dhe është emërtuar edhe si ‘vaksina e të varfërve’.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.