Tjetër hap për hekurudhën Maqedoni e Veriut – Shqipëri!  Zv/ Ministri Shkreli takohet me homologun: “Gati për projektin”

Shqipëria dhe Maqedonia e Veriut i janë rikthyer bisedimeve për ndërtimin e lidhjes hekurudhore midis dy vendeve. Zv/Ministri i Energjisë dhe Infrastrukturës, Artan Shkreli, ka zhvilluar një takim me homologun e tij në Maqedoninë e Veriut, Bekim Rexhepi.

Të pranishëm ishin edhe drejtuesit e Hekurudhës së dy vendeve ku diskutuan për lidhjen hekurudhore ndërmjet Shqipërisë dhe Maqedonisë së Veriut përmes ndërtimit të pjesës Perëndimore të Korridorit 8.

“Në këtë takim palët shprehën gatishmërinë e tyre për një lidhje hekurudhore mes dy vendeve, duke e cilësuar këtë si një projekt të rëndësishëm si për biznesin ashtu edhe për lëvizjen e qytetarëve” shkruan Ministria e Infrastrukturës dhe Energjisë në njoftimin zyrtar.

Lexo edhe:

426 mln euro për hekurudhën M.Veriut-Shqipëri. Qeveria fqinje kërkon financim për segmentin Kërçovë-Lin

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.