Tjetër rast i transfertës së paligjshme të parave – Policia sekuestron rreth 16 milion lekë, procedohet penalisht poseduesi
Policia Kufitare e Kapshticës ka parandaluar një rast të tentativës për transfertë të parave në mënyrë të paligjshme.
Sipas njoftimit të policisë janë sekuestruar 1.580.000 lekë dhe është proceduar penalisht poseduesi i tyre, pasi nuk i deklaroi në kufi.
Referuar njoftimit të policisë, “gjatë kontrollit në vijën e dytë, në çantën personale të shtetasit E. D., 38 vjeç, banues në fshatin Pezë, Tiranë, i cili do të udhëtonte për jashtë vendit Policia Kufitare në bashkëpunim me doganën, i gjeti dhe sekuestroi në cilësinë e provës materiale vlera monetare në lekë, euro dhe paund, të cilat kapin vlerën 1.580.000 lekësh.
Në përfundim të veprimeve materialet i kaluan për veprime të mëtejshme Prokurorisë pranë Gjykatës të Shkallës së Parë Korçë për veprën penale “Mosdeklarimi në kufi i të hollave dhe i sendeve me vlerë”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.