Tjetër rast i transfertës së paligjshme të parave – Policia sekuestron rreth 20 mije euro dhe procedon penalisht 1 shtetase

Në kuadër të kontrolleve intensive për parandalimin dhe goditjen e paligjshmërisë, Policia e Shtetit ka njoftuar evidentimin e një tjetër rasti të tentativës për transfertë të paligjshme të parave.

Sipas njoftimit janë sekuestruar në cilësinë e provës materiale 18500 euro si dhe është proceduar një  46-vjeçare, poseduesja e shumës së eurove, për veprën penale Penal “Mosdeklarimi në kufi i të hollave dhe sendeve me vlerë”.

Sipas Policisë në vijim të kontrolleve të shtuara nga ana e Policisë Kufitare, për parandalimin dhe goditjen e paligjshmërisë, shërbimet e Policisë, në dalje të RSH-së, në aeroportin e Rinasit, pas analizës së riskut, është ndaluar shtetasja F. Ç., 46 vjeçe, banuese në Tiranë, e cila kishte kaluar zonën e skanerit dhe gjate kontrollit fizik, punonjësit e Policisë Kufitare të Rinasit i kanë gjetur në çantën e dorës 18500 euro, të padeklaruara në degën e doganës Rinas.

“Në përfundim të veprimeve shtetasja F. Ç. u procedua penalisht në gjendje të lirë, për veprën penale “Mos deklarimi në kufi i të hollave dhe sendeve me vlerë” ndërsa materialet i kaluan Prokurorisë së Rrethit Gjyqësor Tiranë, për veprime te mëtejshme,” shkruhet në njoftim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.