Tkurret konsumi në Gjermani – Shitjet me pakicë bien papritur në muajin Janar

Shitjet me pakicë në Gjermani kanë rënë papritur në muajin Janar. Zyra Federale e Statistikave deklaroi se shitjet me pakicë ranë me 0.8% për muajin në terma realë. Në muajin Dhjetor, shitjet me pakicë u rishikuan të pandryshuara nga një rënie fillestare prej 0.9%.

Shifrat për muajin Janar rezultuan në kontrast me parashikimet e analistëve për një rritje me 0.2%. Për Janarin me bazë vjetore, shitjet me pakicë u rritën me 2.3% tregojnë të dhënat zyrtare. Shitjet në të gjithë ndarjet treguan një rritje për Janarin përveç; tekstileve dhe veshjeve.

Të dhënat nga Zyra Federale e Statistikave erdhën pas një sondazhi të institutit të hulumtimeve GfK, që tregoi se humori i konsumatorëve gjermanë është përkeqësuar.

Konsumi ka qenë një nga nxitësit kryesor të ekonomisë më të madhe të Europës, për shkak të punësimit në nivel rekord, rritjes së sigurisë në punë, rritjes së pagave reale dhe kostove rekord të ulëta të huamarrjes.

Klevis Llaha/SCAN  

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.