Tkurrja monetare pritet të ndikojë Bitcoin – Reagimi i bankierëve ndaj inflacionit të lartë pritet të pengojë kriptovalutat

Bitcoin dhe kriptovalutat e tjera janë rritur në vitin e kaluar, pjesërisht prej politikave të Rezervës Federale për të mbajtur interesat në nivele të ulëta rekord, si dhe programit të blerjes së titujve të borxhit.    Kryetari i bankës, Jerome Poëell, që u zgjodh javën e kaluar për një mandat të dytë 4-vjeçarë, ka mbikqyrur programin më të madh të stimujve monetar në historinë amerikane, që u aplikua përballë krizës së Covid.

Bitcoin dhe kriptovalutat e tjera, kanë ndjekur efektin pozitiv që këto politika kanë sjellë tek tregjet e kapitalit dhe aktive të tjera.  Investitori miliader në kriptovaluta, Mike Novogratz, ka paralajmëruar se Poëell mund të shkaktojë një shitje nën  panik tek bitcoin dhe kriptovalutat në vitin 2022, kur të tkurr politikat monetare, për t’i bërë ballë inflacionit që ndodhet në nivelin më të lartë në 30 vite.

“Nëse FED lëviz më shpejtë për të frenuar çmimet, do të ngadalësojë të gjithë aktivet, përfshirë tregjet e kapitalit dhe kriptovalutat” – tha Novogratz, që është ekzkutiv i firmës së shërbimeve financiare Galaxy Digital.  Pasi ulën normat e interesit dhe shtuan programet e blerjes së titujve të borxhit në nisje të pandemisë, bankierët qendrorë në të gjithë botën ndodhen nën presion për të vepruar përballë rritjes së inflacionit.

Në javët e fundit Fed shkurtoi blerjet e obligacioneve dhe procesverbali i takimit të fundit tregoi se autoritetet po konsiderojnë reduktimin e mëtejshëm të lehtësimit sasior.  Novogratz paralajmëroi gjithashtu se njerëzit po bëhen pesimist ndaj bitcoin dhe kriptovalutat e tjera, pas rritjeve të mëdha në vitin e kaluar, me bitcoin në rritje me rreth 200%, ethereum me 600% dhe rivalë si solana, Binance dhe kardano që kanë shtuar mbi 1,000%.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.