“Tokjo 2020” do të ketë spektatorë / Deri në 10,000 japonezë në qendrat ku zhvillohen lojërat Olimpike
Mijëra spektatorë japonezë do lejohen të marrin pjesë tek lojërat Olimpike të kësaj Vere, sipas organizuesve të eventit, pavarësisht paralajmërimeve nga ekspertët e shëndetësisë se turmat mund të nxisin rritjen e rasteve me Covid-19. Presidentja e komisionit organizues së Tokjo 2020, Seiko Hashimoto, tha se pjesëmarrja do të lejohet në 50% të kapacitetit të qendrës, apo në një maksimum prej 10,000 njerëz. “Në parim, spektatorët do të pranohen në event, sipas limiteve të mëposhtme. Në një kohë të masave të kufizimit publik nga Qeveria, limiti i spektatorëve në Lojërat Olimpike do të caktohet në 50% të kapacitetit, apo në një maksimum prej 10,000 persona”- deklaruan organizuesit.
Qeveria ka bërë të ditur se do mbajë eventin pa spektatorë fare nëse situata përkeqësohet përpara apo gjatë lojërave Olimpike. Hashimoto tha se komisioni kërkon që njerëzit të vlerësojnë Tokjo 2020, por më e rëndësishme është që njerëzit në Japoni të ndihen të sigurtë. Spektatorëve do t’i kërkohet të veshin maska, për të udhëtuar direkt tek qendrat ku zhvillohen lojërat dhe të kthehen në shtëpi menjëherë sa të përfundojë. Ekzekutivi i Tokjo 2020, Toshiro Muto, tha se kërkesa për një provë të vaksinimit apo test negativ të Covid do të ishte problematike.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.