Transferimi i të dhënave BE-SHBA / Gjykata kryesore evropiane përmbys paktin në çështjen e Facebook
Gjykata më e lartë në Evropë hodhi poshtë vlefshmërinë e një mekanizmi të përdorur nga mijëra kompani, për të dërguar të dhëna në Shtetet e bashkuara, duke mbështetur shqetësimet e aktivistit Max Schrems në përplasjen me Facebook, mbi mbikëqyrjen e Shteteve të Bashkuara. Mburoja e privatësisë mes BE-së dhe Shteteve të Bashkuara, është krijuar në vitin 2016 për të mbrojtur të dhënat personale të evropianëve kur transferohen përtej Atlantikut për përdorim tregtar. Gjykatësit mbrojtën vlefshmërinë e një tjetër mekanizmi të transferimit të të dhënave, të njohur si klauzolat standarde kontraktore, por theksuan se mbikëqyrësit e privatësisë duhet të ndalojnë transfertat jashtë Bashkimit Evropian, nëse mbrojtja e të dhënave nuk është e siguruar. Qindra mijëra kompani, përfshirë Facebook, gjigantë industrial dhe prodhues të makinave, përdorin këto klauzola për të transferuar të dhëna evropiane në të gjithë botën për shërbime që variojnë nga infrastruktura “cloud”, lista e pagave, financat dhe marketing. Çështja shkoi në Gjykatën Europiane të Drejtësisë në Luksemburg, pasi Schrems sfidoi Facebook për përdorimin e klauzolave standarde, duke thënë se i mungon mbrojtja e mjaftueshme e të dhënave. Schrems u bë i famshëm në fitoren e betejës ligjore në vitin 2015, për të përmbysur ligjin e të dhënave të njohur si “Porti i Sigurtë”. Shqetësimet e të dhënave në Bashkimin Europian u rritën pasi ish kontraktori i inteligjencës amerikane, Edward Snoëden, publikoi prova të mbikëqyrjes në masë të Shteteve të Bashkuara në vitin 2013. Në Bashkimin Evropian, Rregullorja e Mbrojtjtes së Të Dhënave të Përgjithshme (GDPR), e prezantuar në vitin 2018, synon të rrisë kontrollin e individëve tek informacioni personal. Kompanitë që dështojnë të përputhen rrezikojnë gjoba deri në 4% të xhiros vjetore në të gjithë botën.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.