Transmetimi i gazit – Albgaz kërkon rritje me 15 lekë/m3, ERE: Duhen dokumente shtesë
Rrjeti i amortizuar dhe shtimi i kostove operacionale kanë detyruar kompaninë Albgaz të kërkojë rritjen e tarifës së transmetimit nga 25 lekë/ m3 në 40 lekë/m3.
Sipas drejtorit ekonomik të kompanisë, deri më tani kompania Albpetrol si klienti i vetëm i Albgaz, nuk ka shprehur asnjë qëndrim në lidhje me kërkesën për rritjen e tarifës, ndërkohë që përfaqësuesit e saj nuk ishin të pranishëm në seancën dëgjimore të realizuar nga Enti Rregullator i Energjisë.
Ndërkaq, Enti Rregullator i Energjisë ka kërkuar informacione shtesë nga kompania Albgaz, me qëllim argumentimin e saktë të kërkesës për rritje.
Rritja e tarifës së transmetimit të gazit, aktualisht prek vetëm kompaninë Albpetrol dhe nuk ndikon në shitjen me pakicë të gazit.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.