Transporti, ajri dhe deti në kolaps – Bie me 48% dhe 86% numri i pasagjerëve në kulm të sezonit turistik
Të dhënat më të fundit të Institutit të Statistikave tregojnë se numri i fluturimeve ajrore gjatë gushtit thuajse është përgjysmuar, në rënie me 48.8%, duke dhënë sinjalin e radhës së sezoni turistik këtë vit është prekur rëndë, por edhe se kompanitë ajrore, por edhe agjencitë turistike vijojnë të jenë ndër më të goditurat nga pandemia. Gjatë gushtit janë kryer 2287 fluturime, nga 3160 që kryheshin në gusht të vitit të kaluar, kur pandemia as që mendohej.
Në muajin Gusht 2020, transporti ajror i pasagjerëve zë 74,3 % të transportit gjithsej. Numri i pasagjerëve që kanë udhëtuar me linja ajrore, në tetëmujorin e 2020 është 915.646 pasagjerë duke u ulur me 58,8 %, krahasuar me tetëmujorin e 2019-ës. Por, goditje nuk ka pësuar vetëm transporti ajror, pasi transporti detar mban pas shenjës minus, shifrën 86.1. Rënia është drastike, dhe i referohet vetëm muajit gusht, kulmit të sezonit turistik. Përgjatë të gjithë tetë muajve të parë të këtij viti, janë 77% më pak pasagjerët që kanë udhëtuar nëpërmjet detit, nga dhe drejt vendit tonë, thonë të dhënat më të fundit nga instat.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.