Transporti ajror në BE – Rreth 1 miliard pasagjerë udhëtuan në kontinentin e vjetër në 2017

Transporti ajror i pasagjerëve është rritur në mënyrë të qëndrueshme në Bashkimin Europian. Në vitin 2017, numri i pasagjerëve arriti në 1.04 miliardë, në rritje me 7% krahasuar me 2016-ën dhe me 39% në një periudhë 10-vjeçare.

Udhëtimet brenda Bashkimit Europian zinin thuajse gjysmën e transportit ajror,   ndërkohë që jashtë unionit  përfaqësonin 36%  dhe  transporti ajror kombëtar zinte vetëm 17%.

Ndër vendet anëtare, numrin më të madh të pasagjerëve e zinte Mbretëria e Bashkuar, me 265 milionë, ndjekur nga Gjermania dhe Spanja, me 212 milionë dhe 210 milionë në mënyrë respektive.

Rritjen më të madhe për vitin 2017 e ka patur Sllovenia, me 20%, ndjekur nga Luksemburgu, Estonia dhe Bullgaria, me 19% secila.

Në Shqipëri transporti ajror i pasagjerëve është rritur gjithashtu për vitin 2017, në 2.6 milionë, rritje me 18% nga viti 2016.

Heathrow i Londrës ka qenë aeroporti me fluksin më të madh për 2017-ën, me 78 milionë pasagjerë, ndjekur nga Charles de Gaulle i Parisit me 69 milionë dhe Schiphol i Amsterdamit me 68 milion.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.