Transporti, probleme me task-forcën – “Po gjobitemi për stacionet e ndërmjetme, të dalë udhëzimi për caktimin e tyre”

Task-Forca e transportit po na gjobit për shkak të ndalesave në stacione të ndërmjetme të linjave interurbane, të cilat de facto funksionojnë prej vitesh, por mungon një udhëzim i ministrit për përcaktimin ligjor të tyre”.

Deklarata vjen nga  përfaqësuesit e Shoqatës Kombëtare të Transportit Ndërqytetës së Udhëtarëve, të cilët kërkojnë përcaktimin në licencë të këtyre stacioneve, duke u kursyer kohë dhe para’ udhëtarëve si dhe do të shmangte penalizimet për ta, që variojnë nga 25-100 mijë lekë e deri në heqje licence.

Sipas përfaqësuesve të shoqatës, puna e task-forcës duhet të fokusohet fillimisht e transporti i paligjshëm i udhëtarëve.

Pak kohë më parë ministrja e Infrastrukturës dhe Energjisë, Belinda Balluku njoftoi ngritjen e një grupi pune për rishikimin e të gjitha problematikave që ka transporti ndërqytetës i udhëtarëve, ndërkohë që Shoqata Kombëtare kërkon që të bëhet pjesë e diskutimeve, si përfaqësuese e linjave në të gjithë vendin.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.