Tre mënyra të thjeshta për të bërë biznesin tuaj të duket më profesional
Keni zhvilluar një biznes të fortë dhe të besueshëm pa ndërhyrjen e internetit, por nuk dini si ta filloni dhe me ndihmën e saj.
Mediat sociale, Websitet, emailet e biznesit, të gjitha këto nuk dini si ti implementoni? Më poshtë po ju japim tre hapa që nund të bëni këtë javë apo këtë mbasdite.
1. Krijoni një faqe webi modern
Nëse nuk keni një faqe webi për biznesin tuaj, është koha të krijoni një të tillë. Krijimi i një faqe webi për kompaninë është gjëja më e rëndësishme që mund të bëni për biznesin. Shumica e bizneseve konkurrente e kanë një faqe webi dhe ndoshta po jua marrin një pjesë të klientelës vetëm për këtë fakt.
Ka shumë faqe online të cilat ju ndihmojnë të ndërtoni një faqe profesioniste si Squarespace dhe Wix. WordPress është gjithashtu një opsion por që kërkon një profesionist për ta ndërtuar.
Si do që ta bëni, bëni kujdes që faqja që ju po krijoni të ketë një reputacion të mirë, dhe me kosto të përballueshme.
Një faqe duhet të ketë minimalisht këto të dhëna
a. Rreth kompanisë, ku duhet të jepet një histori e shkurtër rreth biznesit tuaj si dhe të përshkruani me pak fjalë pse mendoni se produktet ose shërbimet që ofroni janë të vlefshme për klientin.
b. Na kontaktoni, ku duhet të vendosni kontaktet jo vetëm të emailit, por dhe numrat e telefonit, skype, media sociale, etj.
c. Politika e privatësisë, ku diskutohet se si ju i mblidhni të dhënat e klientëve dhe çfarë ju bëni me to dhe si i mbroni të dhënat e klientëve.
2. Përdorni një email biznesi
Nëse jeni duke përdorur email akoma me @gmail ose @hotmail, është koha ta zëvendësoni me një emër që përfaqëson biznesin tuaj. Kjo gjë do të krijojë një impakt pozitiv dhe seriozitet në komunikim me partnerët dhe klientët që ju bashkëpunoni.
Përdorimi i emaileve të sipërpërmendur si @gmail, @hotmail apo @yahoo, ju çojnë drejt një reklamimi të panevojshëm të këtyre kompanive, si dhe impakti që shfaqin tek klientela apo partnerët lënë për të dëshiruar.
Kjo për vetë faktin se përdorimi i tyre nuk është profesionale dhe se në dukje kompania juaj nuk ka buxhet për të paguar një domain vjetor për të përdorur emaile me emrin e biznesit.
3. Kujdesuni për brandimin e emrit
E fundit por jo më pak e rëndësishmja është brandimi. Brandimi përfaqëson të gjithë biznesin tuaj. Kjo përfshin dizenjimin e faqes, kartëvizitat, si dhe paketimin e produkteve.
Përpara se ta bëni këtë mendoni për mesazhin që doni të përcillni tek klientët. Mbani të përditësuar faqen, logot, kartëvizitat që shfaqin emrin e biznesit tuaj. Kur menaxhoni biznesin, është e rëndësishme të mendoni klientin dhe të vendosni veten tuaj në të njëjtin vend si ata.
Përdorimi i këtyre tre taktikave do ju bëj të shfaqeni më profesionist dhe më të besueshëm, ndaj mos humbni kohë.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.