Tregjet e kapitalit në Kinë – MSCI liston 234 kompani për të përfshirë në indekset globalë
Hartuesi i indekseve MSCI, deklaroi se do të përfshijë 234 kompani kineze me vlerë të madhe në treg, në indekset globalë dhe rajonalë më datë 1 Qershor, duke rritur mundësinë që tregjet e kapitalit në ekonominë e dytë më të madhe në botë të marrin më shumë para të huaj.
Këto aksione të denominuara në juan, apo aksione kineze të kategorisë A, do të kenë një peshë prej 0.39% në indeksin e tregjeve në zhvillim të MSCI.
Përfshirja e shumëpritur e Kinës në indekset MSCI në muajin qe vjen, do të tërheqë më shumë kapital të huaj drejt tregjeve kinezë, ku pronësia nga jashtë arrin në rreth 2%.
Sipas analistëve, kjo nënkupton se investitorët nuk mund të injorojnë më titujt e kapitalit në Kinë. Në 5 vitet e ardhshme, aksionet e kategorisë A të Kinës, do të kenë një peshë prej 9% ndaj totalit të indeksit të tregjeve në zhvillim, duke sjellë një fluks prej rreth 230 miliardë dollarë.
Ndër kompanitë me vlerën më të madhe të tregut të përfshira në indeks, ishte Shangai Electric, që pati rritje me 4% pas lajmërimit.
Indeksi përbëhet kryesisht me kompani financiare, të konsumit dhe pasuri të paluajtshme. Edhe prodhuesi i pajisjeve të telekomunikacionit ZTE, që ndodhet në mes të luftës tregtare Kinë-SHBA, do të përfshihet.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.