Tregjet e kapitalit, nevojë për ndërhyrje
Komisioni Parlamentar i Ekonomisë ka diskutuar projektligjin nga “Per tregjet e kapitalit, mbi të cilin është punuar për nje vit dhe që synon të nxisë zhvillimin e këtyre tregjeve, si edhe të krijojë një mbrojtje më të mirë të investitorëve. Ministrja e Financave, Anila Denaj bëri me dije risitë e draftit dhe efektin në ekonomi.
Ndërsa relatori Ervin Bushati, përtej diskutimeve teknike, propozon që kompanitë publike, si OSHEE, OST, UKT, etj, të jenë të parat që të kuotohen në bursë, pasi kështu do të ishin edhe më të përgjegjshme në shërbimet që ofrojnë dhe do të ishin katalizatore për zhvillimin e tregjeve të kapitalit.
“OSHEE, OST, Ujesjellesi, nëse do i bënin një pjesë të aksioneve publike, do të sillte shërbime me të përmirësuara, të ishin pa ndikim politike. Një kompani e shërbimit publik do ishin më të përgjegjshëm nëse do kuotoheshin në këtë bursë. Do duhej që këto shërbime të ishin të parat dhe pastaj kompanitë private. Ky treg është, por ne nuk e kemi të zhvilluar. Bursa spo funksionon si treg normal kapital, sepse ska kompani të listuara. ..”
Bushati propozi gjithashtu, krijimin e një platforme virtuale për bursën, ku çdo qytetarë të jetë i informuar dhe të ketë akses të plotë.
Ky draft është hartuar në kuadër të anëtarësimit në Bashkimin Europian dhe objektivi është që të krijojë mundësi financimi, të mundësojë emetimin e letrave me vlerë; të kanalizohen kursimet nëpërmjet tregjeve më mirë të rregulluara të investimeve dhe të tërhiqen investitorët e huaj.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.