Tregjet mirëpresin rezultatin në Stamboll – Lira dhe tregjet e kapitalit rriten menjëherë pas lajmërimit

Lira dhe tregjet e kapitalit në Turqi u rritën menjëherë pasi u lajmërua fitorja e kandidatit të opozitës gjatë zgjedhjeve të ditës së Diel në Stamboll, çka solli fundin e pasigurisë që ka  penguar valutën. 

Lira u rrit me rreth 2% kundër dollarit, duke e çuar dyshen pranë mesatares 100-ditore.  Indeksi kryesor i titujve të kapitalit u rrit gjithashtu me më shumë se 2% në nisje të sesionit tregtar.

Analistët thonë se dollari mund të bjerë në 5.5 kundër lirës, megjithatë ata shtojnë se partia e Erdogan qëndron përsëri në krye të pushtetit dhe politikat e tyre do të vazhdojnë të nxisin tregun në afat-gjatë. Kandidati Ekrem Imamoglu i Opozitës fitoi përsëritjen e zgjedhjeve të Stambollit, çka tregon se partia Zhvillim dhe Drejtësi nuk do të sfidojë më rezultatin.  Ndërkohë që tregu po mirëpret faktin që nuk do të ketë më rizgjedhje, investitorët po kërkojnë të zbulojnë se çfarë do të ndjekë pas  rezultatit.  Indeksi Borsa Istanbul 100,  ka shtuar 5.2% deri më tani për vitin.   Lira, që tregtohej në 5.72 kundër dollarit në nisje të tregtisë, ka humbur mbi 7% të vlerës gjatë vitit, duke u kthyer në performuesin më të keq në tregjet në zhvillim, pas pesos së Argjentinës.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.